Өмнө нь гурвантаа ял шийтгүүлж байсан С.Гантулга нь Баянзүрх дүүргийн Цайз захын урд байрлах нийтийн караокений ариун цэврийн өрөөнд амь хохирогч С.Н-ыг “эмэгтэй 00-д орлоо” хэмээн маргалдаж цээжин тус газар нь хутгалж хөнөөсөн хэрэг холбогджээ.

Уг хутгыг 2016 онд Чойр дахь 425-р хорих ангид хамт ял эдэлж байсан найз нь бэлэглэсэн байжээ. Гоёмсог хуйтай, хуй болон хутганы иш нь гоёлын тоногтой, нарийн гинжтэй бариул хэсэгтээ морины толгойн дүрстэй чамин  хутга гэнэ. Шүүгдэгчийг хутгатай явдагийг хамт караокед хамт наргисан Мандхай гэдэг эмэгтэй  мэджээ. Тэгээд хутгыг авчих гэж найз нарыг нь ятгасан ч тэд аваагүй гэнэ. Харин ч “дургүй хүргэж байж хутгалуулав” гэж заналхийлжээ. Шүүгдэгч амь хохирогчийг караокений жорлонд хутгалаад шууд гадагшаа гарчээ. Хүмүүс үймэхэд найз нар нь ч гарч ирсэн байна. Тэд такси барин явсан агаад замдаа “мань нь ш-чих шиг боллоо” гэж хэлсэн гэнэ. Гэсэн ч тэд юу ч болоогүй мэтээр буудалд орон үргэлжлүүлэн ууж наргижээ. Цагдаа шуурхай ажиллан гэмт этгээдийг өглөөний 05 цагийн үед баривчилсан. Шүүх түүнд 14 жилийн хорих ял оноосон. Мөн амь хохирогчийн ар гэрт 131 сая төгрөг гаргуулж өгөх шийдвэр гаргасан ч шүүгдэгч төлөх ар гэргүй болж таарчээ.

.