УИХ-ын гишүүн асан “Симба” Батаагийн гэрт нэвтэрч, түүнийг хулгайлан, хүч хэрэглэн 98.5 сая төгрөгийг нь дээрэмдсэн хэрэг гарсан. Энэ хэрэг 2023 оны наймдугаар сарын 04-ний өдөр Хан-Уул дүүргийн нутаг дэвсгэрт болжээ. “Симба” Батааг улс төр сонирхогчид, бизнесийн хүрээнийхэн андахгүй. “Симба” компанийн захирал Ц.Батаа 2000-2004 онд УИХ-ын гишүүн байсан. Гишүүн байхдаа үнэг буудах гэж яваад БХЯ-ны урдаа барьдаг ганц онгоцыг унаган гэмтээж явсан нөхөр. Дүү Ц.Бат-Энх нь МАН-ын нарийн бичгийн дарга, Эрдэнэтийн хурган дарга шүү дээ.

“Симба” Батаа хөрөнгө бэлтэй, басхүү номой дорой хүн биш, гартаа бүлтэй эр. Хэн түүнийг айлган сүрдүүлж, 100 шахам төгрөгийг нь дээрэмдэв?!. Хан-Уул дүүрэгт гарсан энэхүү гэмт хэргийг эрүүгийн ертөнцөд "Сэлэнгийн" гэж алдаршсан У.Баатаржав бусадтай хамтран гурвуулаа орон байранд нь нэвтрэн хулгайлж, Сүхбаатар дүүрэгт байрлах зочид буудалд хүч хэрэглэн цагдан хорьж байжээ. Улмаар 98.5 сая төгрөгийг нь дээрэмдсэн юм байна. Тэгвэл энэ хэрэгт прокуророос яллах дүгнэлт үйлдэж хэргийг шүүхэд шилжүүлжээ.