Тус төв нь Цамбагарав төвөөс хойш гэр хороолол дундах дэнж дээр байрладаг. Төвийн даргаар ажиллаж байсан А.Золзаяа, ахлах нягтлан бодогч Н.Амарсанаа нар нь иргэн Б.Болормааг дагалдан ажиглагчаар, М.Хүрэлбаатарыг дагалдан техникчээр ажилд томилсон хуурамч тушаал гарган ажиллаагүй байхад нь цалин олгож НД төлсөн хэрэгт холбогдсон. Улмаар уг цалингийн мөнгийг бичиг хэргийн ажилтан Ч.Ариунжаргалаар дамжуулан авч төсөвд нийтдээ 4,07 сая төгрөгийн хохирол учруулжээ. Мөнгө завшсан зорилго нь “гэгээн ариун” аж.  Тус төвийн гэрэлтүүлэг бүгд шатаж, мөн гаднах гурван камер нь ажиллахаа больжээ.  Ингээд оройдоо таг харанхуй болж гэр хорооллын гудамжаар явдаг ажилтануудынх нь аюулүй байдал эрсдэлд орсон гэнэ. Даргын хувьд А.Золзаяа нь “төсөв танасан мөнгөөр камер болон гэрэлтүүлгээ засах” зоримог шийдвэр гаргажээ.

Шүүх дарга нягтлан хоёрыг эрх мэдлээ урвуулан ашиглаж өөртөө болон бусдад давуу байдал бий болгосон хэмээн үзэж нийтийн албанд томилогдох эрхийг хоёр жилээр хасаж 5,4 сая төгрөгөөр торгожээ. Харин бичиг хэргийн ажилтанг нэг жилээр тэнссэн байна.