Малчны хотноос хоёрдугаар сарын 5-ны өдөр өөрийн нүүр хуудсаар дамжуулан Занданшатар нэг ам гарсан байдаг юм. Бүр лайвдаж байгаад амласан даа. Иргэн Номун-Эрдэнийн D parliament-аар дамжуулан эхлүүлсэн Монгол Улсын газрыг гаднын иргэнд 60+40 жилээр ашиглуулах/эзэмшүүлэх заалтыг хүчингүй болгох санал асуулгыг дэмжинэ гэдгээ зарласан. Үүний өмнө Занданшатар УИХ-ын индэр дээрээс Эдийн засаг хөгжлийн сайдад хандан "Хүрэлбаатар аа, хэдэн троллоороо дамжуулан, гишүүдийг талцуулж, шантаажилж байгаад хууль батлуулна гэж байдаггүй юм, бүү горьд" хэмээн зэмлээд амжсан билээ. Ийнхүү Хөрөнгө оруулалтын хууль дахь газрын тухай зүйл заалтыг эрс эсэргүүцэж байгаагаа анхнаасаа илэрхийлсэн хүн бол Занданшатар. Үүнийх нь төлөө түүнийг сошиалаар гөвөх, гөрдөх ажиллагаа өнөөдрөөс эрчимжиж байна. Гэвч мань Зандка аль эрт амласандаа хүрч, гаднын иргэнд газар 100 жилээр ашиглуулах/ эзэмшүүлэх заалтыг хүчингүй болгох, 2013 оны болон 2023 оны Хүрэлбаатарын хуулиас ч нэг мөсөн авч хаях хууль эрх зүйн үндэслэлтэй албан бичгийг Засгийн газарт илгээсэн байна. Үүгээр ч барахгүй, D parliament-аар УИХ-ын нэрээр албан ёсны санал асуулга эхлүүлжээ. Ямартай ч түүний албан бичгийг Ерөнхий сайд Оюун-Эрдэнэ хүлээн авсан аж. Энэ алхмынхаа төлөө Зандка ойрдоо "ингэний хуурай сүү рекламдсан" хэргээр сошиалаар баахан балбуулах нь. За тэснэ шүү, тэснэ. Замын нохдын дундуур занхайгаад дайрдаг монгол банхар байхад соёоны шархгүй үлдэнэ гэж юу байхав. Хүрэлбаатарын давтан оруулж ирж байгаа энэхүү газрын тухай зүйл заалтууд батлагдвал Өмнөговь үндсэндээ 100 жилээр хятадуудад очих юм. Өмнөговийн газар нутгийн хэдэн хувь хятад эзэдтэй болчихоод байгааг бид Нүүрсний сонсголоор бүгд сонссон, үзсэн. Нүхээ малтчихаад нүүдлээ хийхээ Хүрэлбаатар мэдэлгүй дээ. Хариуд нь Занданшатар амлаж байгаад архирлаа даа, ардаараа дэмжинэ шүү, ахиулаад заргалдана, аав л ээжийн бууриа, ач зээгийн нутагаа авч үлдэнэ!