Нийслэлийн Соёл урлагийн газрын Урлагийн хэлтсийн даргаар ажиллаж байсан Э.Цэнд-Аюуш нь өөрийн үүсгэн байгуулсан “Монголын соёлын аялал жуулчлалын холбоо” ТББ-тай “Соёлын биет бус өвийг өвлөн уламжлах аргачилалыг контент болгон бэлгэх түгээх” ажлын хүрээнд гэрээ байгуулсан. Ийнхүү өөрөө өөртөйгөө гэрээ хийгээд улмаар хийгээгүй ажлаа хийсэн болгож тайлагнан ажил гүйцэтгэсэн тайланг П.О, Э.М нараар бэлдүүлэн өөрөө гэрээ дүгнэх ажлын хэсэгт орж гэрээ дүгнэсэн протокол, ажил хүлээлцсэн акт зэрэгт гарын үсэг зурсан гэнэ. Ийнхүү бүхнийг өөрөө “хийгээд” нийслэлийн төсвөөс “Монголын соёлын аялал жуулчлалын холбоо” ТББ руу 108 сая төгрөг шилжүүлж нийслэлийн СУГ-д их хэмжээний хохирол учруулсан хэрэгт буруутгагдаад байна. Хийгээгүй ажлаа хийсэн болгож тайлан гаргасан гэдэг нь  МҮОНРТ-ийн бэлтгэж эхлэн цацсан “Монголын өв соёлын гайхамшиг” нэвтрүүлгийг өөрийнх  хэмээн тайландаа оруулсан гэж тогтоогджээ.