“... 2023 оны 6-р сарын 06-ны өдөр 16 цаг 40 минутын орчимд ээлж солилцоод хүн ихтэй ганцаараа ажиллаж байсан. Тэгэхэд нэг бага насны хүүхэд уйлаад байхаар нь заал руугаа очиж харахад гэр оронгүй, тэнэмэл маягийн амьдралтай, хөгжлийн бэрхшээлтэй, хэл яриа сайн ойлгогдохгүй нэг эмээгийн өвөр дээр бага насны ногоон эрээн хослолтой эрэгтэй хүүхэд уйлчихсан сууж байсан. Эмээгээс таны хүүхэд юм уу гэж асуухад ерөөсөө ойлгогдохгүй амандаа бувтнасан. Камер шүүж үзэхэд цэнхэр цайвар жинсэн өмдтэй, хар савхитай, цагаан пүүзтэй нэг эмэгтэй тухайн хүүхдийг тэвэрч орж ирээд сандал дээр сууж байсан тэр эмээд үлдээгээд аягүй хурдан гарч явсан. Хүүхэд маш их өлссөн байхаар нь нухаш авч өгөөд цагдаагийн байгууллагад хандсан...”

“...2023 оны 9-р сарын 08-ны өдөр орой 19 цаг 30 минутын үед эрэгтэй, эмэгтэй хоёр жоохон хүүхдээ дагуулж орж ирээд 02 номерын өрөөнд ороод 23 цаг 30 минутын орчимд эрэгтэй нь хүүхдэдээ памперс авна гээд гараад дэлгүүр олдохгүй байна гээд буцаж орж ирсэн. Шөнийн 02 цаг өнгөрөөд эмэгтэй нь “би явлаа миний хэрэг байхгүй, би гомдсон” гээд гараад явсан. Удалгүй эрэгтэй нь би эмэгтэйгээ  аргадаад оруулаад ирье гэж араас нь гараад буцаж орж ирээгүй. Би буудалд орохдоо бичүүлсэн дугаар руу нь залгахад олон удаа дуудуулж байж арай гэж авсан. Хүүхдээ ирж ав гэхэд дугаар андуурсан байна гээд дахин залгахад утсаа аваагүй. 10 цаг өнгөрөөгөөд цагдаагийн 102 тусгай дугаарт хүүхдээ орхиод явсан гэж дуудлага өгсөн...”

“... Охин надад “согтуу явж байгаад хүүхдээ дэлгүүрт мартсан байна лээ” гэсэн. Миний санаж байгаагаар 18 настайгаасаа хаяадаа архи согтууруулах ундааны зүйл хэрэглэдэг болсон бол 2020 оноос хойш олон хоног дараалан архи уудаг болсон...”