Хасгаа хэмээх Б.Ё гэдэг Увсын бүсгүй иргэн Н-ийн “N...hai n...hai” гэдэг цахим хаяг зөвшөөрөлгүй халдаж уг хаягийг ашиглан иргэн О.Н-тэй иргэн Д.Н-гийн нэрийн өмнөөс “гэр бүл болно, дэлгүүр авч ажиллуулаад дараа өгнө” зэргээр зурвас бичиж, утсаар ярьж түүнийг хуурч, цахим хэрэгсэл ашиглаж нийт 11 удаагийн гүйлгээгээр 2.295.000 төгрөг, хохирогч О.Н-ийн эх Б.Д-тай “танай охинтой гэр бүл болно, дэлгүүр худалдаж авах гэтэл мөнгө дутаад байна, түр зээлээч” гэх зэргээр утсаар ярьж, гурван удаагийн гүйлгээгээр 3.450.000 төгрөгийг залилжээ.
Гэр бүлтэй болох гэсэн бүсгүй ийн мэдүүлжээ.
“...Өөрийгөө Намхай гэж танилцуулсан залуутай цахимаар танилцаж, улмаар надтай гэр бүл зохиож амьдарна, Улаанбаатар хотод хүнсний дэлгүүр худалдаж авах гэсэн мөнгө дутаад байна, буцаагаад өгнө гэж худал хэлж надаас 11 удаагийн гүйлгээгээр нийт 2.295.000 төгрөг залилж авсан. Намайг хуурч гэр бүл зохион гэж итгэл үнэмшил төрүүлж надаас мөнгө залилсан. Ээж, бид хоёр Д.Н гэх залуутай уулзаж ярилцсан, утасны цаанаас сонсож байсан хоолойноос огт өөр хоолойтой хүн байсан. Харин утсаар ярьж мөнгө авсан Намхай гэх хүний хоолой Б.Ё гэх эмэгтэйн хоолойтой адилхан байсан ...”
Түүний ээж нь ийн мэдүүлжээ.
“... Миний охин О.Н нь фейсбүүк цахимаар өөрийгөө Намхай гэж танилцуулсан гэх залуутай танилцсан байсан. Тухайн залуу нь над руу ..........дугаарын утсаар залгаад “би танай охин О.Н-тэй үерхэж байгаа. Би Улаанбаатар хотод Цагдаагийн сургуулийн оюутан, хажуугаар нь өмгөөллийн үйлчилгээ үзүүлдэг” гэсэн. Тухайн үед надад миний охинтой үерхэж, удахгүй гэр бүл зохиох нь гэсэн итгэл үнэмшил төрсөн. Тэгээд надаас нийтдээ гурван удаагийн гүйлгээгээр 3.450.000 төгрөгийг “дэлгүүр авах гэж байгаа, буцааж өгнө” хэмээн авсан. Намхай гэх залуутай утсаар ярьж байхад эмэгтэй хүн шиг их нарийн хоолойтой сонсогдсон. Дараа нь эгч нь гэх эмэгтэй бас залгаад “манайх танай охиныг залуутайгаа суулгана, та ламаас өдөр судар асуугаадах” гэж ярихад Намхайтай их адилхан хоолойтой сонсогдсон. Цагдаад хандсаны дараа Б.Ё гэх эмэгтэй залгаж “таны хохирол мөнгийг барагдуулаад өгчихнө, та цагдаад гомдолгүй гэж хэлээд өргөдлөө буцаагаад авчих” гэж гуйсан. Тэгэхэд хоолой нь надтай утсаар ярьсан Намхай болон эгчийнх дуу хоолойтой их адилхан байсан. Охин бид хоёртой Д.Н ирж уулзсан бөгөөд миний утсаар ярьсан Намхай гэх залуугаас шал өөр дуу хоолойтой байсан...”
Д.Н согтуудаа цахим хаягны нууц үгээ Б.Ё-д өгсөн байжээ. Шүүх гэр бүлтэй болсох гэсэн бүсгүйг хуурсан эмэгтэйг 2,1 жилийн хорих ялаар шийтгэжээ. Тэрээр өмнө нь ял шийлгүүлж байжээ.
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
