Тагнуулын газар ногоон автобус худалдан авах гэрээ “улсын нууц” гэсэн бичиг өгөөгүй гэдгээ нотоллоо. Ногоон автобусны сонсгол Төрийн ордонд болж байна. Харамсалтай нь олон нийт анхаарахгүй, АН-ын тойргийн гомдлыг асуудал болгоод л...

  Өвөлжин автобус хүлээж чичирсэн, 4-5 буудал хөлдүүс болтлоо алхсанаа бодвол НОГООН АВТОБУСны НОтой сонсголыг нүд салгахгүй харж баймаар.

  Хамгийн гол юмыг мэдэх Сумъяабазар ирсэнгүй, оронд нь Сум даргыг хотын дарга байхад нь Хуулийн зөвлөх байсан Дэмбэрэлцэрэнгийн Мөнх-Эрдэнэ ирж, сумгүй буугаар буудаж байгаад гарлаа.

Бүхээгтэй ногоон цэргийн машин биш байтал бүрхэг хуучин муусайн ногоон автобусыг “нууц” болгосон нууц ч дэлгэгдлээ. Тагнуулын ерөнхий газрын зүгээс “ногоон автобус худалдан авах гэрээ бол улсын нууц гэсэн бичиг өгөөгүй” гэдгээ нотоллоо.

Гэнэт баригдах болохоороо гэдсээ хутгалж “харакири” хийдэг хурандаа Жавхлантбаатарын өмгөөлөгч УИХ-ын гишүүн Ж.Чинбүрэнг “Наад муу чинь юу гээд байгаа юм бэ?” гэх нь сонсогдлоо. Ширүүн хайрхан байх нь.

  Нийслэлийн Нийтийн Тээврийн газрын даргыг гудманд таарвал цохиод унагана гэж аварга Д.Сумъяабазар олон түмний өмнө гэдгээ бардам түрэмгий, бахдам гарамгай мэдэгдсэн билээ.

Түгжрэлийн сайд асан Ж.Сүхбаатар бусад сайд нарыгаа автобусны төсөв мөнгийг шийдэж өгсөнд их гомдолтой явдаг юм байна. Төсөв мөнгийг нь шийдэж өгөөгүй бол ногоон автобус авахгүй л байсан гэж голдоо ортол гомдсоор л байдаг юм байна.  

Цавчаа ногооны сонсголыг харахад сайд асан Сүхбаатар, нийслэлийн Pасаг дарга асан Д.Сумьяабазар хоёрын ажилдаа хайрхамжгүй хандсан буруу харагдаж  байна. Энэ сонсголд сууж байгаа жараахайнууд нь бас цөөн хэдэн төгрөгийн авлига авчихаад гөлөлзөж суухаар муу нуухаар сайн илчилж, өөрийгөө ч илчилж, авлигын нэгэн том гинжийг тас цохиоч...