“... Би ямар хэргээр уулзах гэж байгааг нь асуухад нарийн хэлээгүй. Орой 19 цагт залгахад нь ажил руугаа явж байна гэхэд би ажил дээр чинь очиё гээд  гээд 40 минутын дараа надтай ажлын гадаа таарсан. Машин дотор уулзая гэхэд нь би өрөөнд уулзана гээд дотогшоо орсон. Өрөөнд ороход миний ажил бүтэмжтэй байгаа гээд “би танд жаахан мөнгө өгөх гэсэн юм” гэж хэлээд цэнхэр өнгийн хайрцагтай юм өгсөн.  Уг хайрцагийг нь нээж үзэхэд 20,000 төгрөгийн дэвсгэртүүд нэлээн олон байсан. Яагаад надад мөнгө өгч байгаагнь асуухад “эгчийнхээ хэргийг аргалаад өгөөч” гэж хэлсэн. Би энэ талаар шууд жижүүрийн ахлах мөрдөгч, ерөнхий эргүүл цагдаагийн хошууч нарт мэдэгдэж танилцуулсан ...”

“... Би юу болсон бэ гэж асуухад энэ хүн надад авилгал өгөх гэж байна гээд ширээн дээр хайрцагтай 20,000 төгрөгийн дэвсгэртүүд задлаад тавьчихсан байсан. Би нөгөө эмэгтэйгээс та ямар учиртай хүн бэ гэхэд би махны бизнес хийж байгаад шатчихсан юм гэсэн. Тэгээд “уучлаарай, битгий тэг л дээ” гээд алгаа хавсраад гуйгаад байсан...”