“... Намын даргын сонгуульд очоод ширээн дээр сууж байтал Галбадрах   ирээд бид хоёрын дунд  бага зэргийн маргаан болсон. Гэнэт миний толгой руу цохиж, намайг ширээн доогуур оруулж байгаад өвдөглөсөн. Манай найз орж ирээд намайг авч гараад машинд суулгасан байсан. Тэр хооронд юу болсон талаар сайн санахгүй байгаа. Гэхдээ  намын үзэл бодлоос болсон байх. Миний бие архи согтууруулах ундааны зүйл хэрэглэсэн учраас зарим үйл явдлыг сайн санахгүй байна ..."

“... Сонгуулийн үйл ажиллагаанд намын хорооны 164 гишүүн оролцох ёстой байсан.  Харин хохирогч гишүүн биш атлаа ирчихсэн байсан. Бидний  маргааны гол асуудал  бол намын даргын сонгуулиас найм хоногийн өмнө манай баг дээр намын хорооны гишүүнийг сонгох сонгууль болсон юм. Тэнд хохирогч өрсөлдөөд н.Өнөболд гэдэг залууд ялагдсан. Тухайн үед би хохирогчид “Ахын дүү энэ удаа байж бай, он гараад ахиад эргэлт явагдана, тэр үед дүүгээ дэмжээд өгнө” гэсэн. Тэрнээс болоод надтай байнгын шөргөөцөлдөх болсон. Намын даргын сонгууль дээр согтуу ирээд хүмүүсийн өмнө намайг бүр элдвээр хэлж  “хүн амьтны бөгс долоогч” гэж доромжлоод мөрлөөд цохиод янз бүр болсон.  Намайг “чи миний мэс заслын ширээн дээр ирээд хэвтэхээр чинь би чамайг амьд үлдээх үү, үхүүлэх үү гэдгээ шийднэ” гэж хашхирсан. Би сонгуулийн явц дундуур тусгайлан уулзаад “Миний дүү ингэж болдоггүй юм. Намын ажил бид хоёрын маргаанаар шийдэгддэг юм биш. Эв зүйгээр шийдэгддэг юм. Наад зангаа тат, одоо хоёулаа ингээд эвлэрье” гээд эвлэрсэн. Намын даргын сонгуулийн дараа орой нь чөлөөт арга хэмжээ, сугалаа болсон. Би бие засах гээд бостол ирээд заамдаад авахаар нь түлхээд унагаасан.  Дараа нь нэгдэх өдөр Сүхнарантай уулзаж “Хамар чинь яасан юм нүүр ам чинь зүгээр үү, би чамайг цохиж барьсан юм уу” гэж асуусан. Тэгтэл гэнэт  мэргэжлийнхээ давуу талыг ашиглан гэмтсэн гэсэн дүгнэлт гаргуулж ирээд намайг яллагдагч болгосон. Эмнэлгийн дарга ...”