“Айфоне”-ийг нь сэм авсан залуу тоосгон дор үлдээсэн “шагнал”-ын 20 мянган төгрөгөө авах гэж ирээд баригджээ

Ийм нэгэн хөгжилтэй хэрэг Ховдод гарчээ. Ц.Ариунбаяр нь Ховд аймгийн Буянт сумын Цамбагарав 12-р багийн нутаг дэвсгэрт голын зусланд байх гэрээс 535’000 төгрөгийн үнэлгээтэй iphone XS загварын, 300’000 төгрөгийн үнэлгээтэй samsung A13 загварын гар утаснуудыг хүч хэрэглэхгүйгээр, нууцаар, хууль бусаар авч нийт 835’000 төгрөгийн хохирол учруулсан нь нотлогдсон хэрэгт холбогджээ. Тэрээр тун инээдэмтэйгээр баригдсан байна.
Энэ тухай хохирогчид ийн мэдүүлжээ.
“...Би найзын хамт зуслангийнхаа гэрт хоносон. Өглөө 07 цаг 30 минутын үед сэрээд дэрэн доор байсан samsung A13 загварын утсаа хайгаад олоогүй. Мөн манай найзын Iphone XS загварын гар утас алга болсон байсан. Өөрийнхөө утас руу залгахад үл таних эрэгтэй хүн аваад “Утсыг чинь гэрийн үүднээс олсон” гээд шагналын мөнгө нэхэхээр нь өгье гэсэн. Шагналын мөнгөө Цэнгэлдэх хүрээлэнгийн доод талд байдаг ТҮЦ-ний хажуу дахь хураалттай тоосгон дор үлдээхээр болсон. Найз бид хоёр уг газар очоод нуугдаад хүлээж байхад нэг залуу ирээд мөнгө хайгаад ололгүй буцаад явахаар нь араас нь гүйж очоод барьж авсан. Түүнд найзын утас байсан. Харин миний утас хаана байгааг асуухад бид хоёрыг дагуулж эзэнгүй хашаанд очоод хашааны буланд байх пивоны сав доороос гаргаж өгсөн. Тэгээд тэр залууг цагдаад аваачиж өгсөн ...”
Харин шүүгдэгч ийн мэдүүлжээ.
“...Би Цэнгэлдэх хүрээлэнгийн ар талд голын эрэг дээр ганцаараа архи ууж байгаад тухайн газраа хоносон. Өглөө босоод гэр рүүгээ явах замд хаалга нь онгорхой гэр байхаар нь ортол ширээн дээр хоёр гар утас байхаар нь аваад гарсан. Удалгүй нэг утсанд нь дуудлага ирэхээр нь авахад утсаа авъя гэхээр нь ахдаа 20 мянган төгрөг өгөөд ав гэтэл тэгье гэсэн. Тэгээд мөнгөө Цэнгэлдэх хүрээлэнгийн доод талд байдаг ТҮЦ-ний хажуугийн хураалттай тоосгон дор үлдээе гэсэн. Би тэнд нь очоод үзтэл мөнгө байхгүй байсан. Тэгэхээр нь буцаад явах гэтэл гэнэт хоёр залуу гарч ирээд бариад авсан ...”
Шүүх түүнийг 1,3 жилийн хорих ялаар шийтгэжээ.
Сэтгэгдэл
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зочин
10 сарын өмнө
59.153.113.41
Нэг их айхтар авчихья, ашиглачихья гээгүй шар тайлах мөнгө л авах гэсэн нөхөр байна. Ннэ баытугаыг ялладаггүй байж юу нь ч дээрэлхүү юм дээ. Нэг ядарсан амьтан л байж.
Төстэй мэдээ