18-тай залуу “Хаан банк 33 жил боллоо хэрэглэгч бүрд 200,000Т өгөхөөр боллоо” гэх хуурамч линк байршуулж 322 мянган төгрөг залилжээ

Булган аймгийн Ерөө сумын 1-р баг ... оршин суух 18 настай Н.Эрхэмбаяр нь кибер орчинд зөвшөөрөлгүйгээр халдаж мэдээллийн сүлжээнд зөвшөөрөлгүйгээр нэвтрэх зорилгоор мэдээллийн сүлжээнд хууль бусаар нэвтрэх тусгай программ зохиож Фейсбүүк цахим орчинд “Хаан банк 33 жил боллоо хэрэглэгч бүрд 200.000Т өгөхөөр боллоо” гэх хуурамч линк нээн байршуулжээ. Үүнийг нь үзсэн Булган аймгийн Булган сумын иргэн өөрсдийн Хаан банкны мэдээллийг өгсөнд хоёр удаагийн гүйлгээгээр нийт 322,500 төгрөг данснаас нь гарч “Супер апп хэтэвч” ХХК-ийн дансаар дамжин шүүгдэгчийн дансанд оржээ. 200 мянган төгрөгний бэлэг авах гэсэн П.Циенпил хохирогч ийн мэдүүлжээ.

“... Би 2024 оны 2-р сарын 27-ны өдөр гэртээ фейсбүүк ухаж байтал Хаан банкны интернет банкны зурагтай зүйл гарч ирээд та энэ рүү дарж орох юм бол танд 200.000 төгрөг өгнө гэсэн байхаар нь би Хаан банкны хамаг мэдээллээ бичээд үлдээсэн чинь миний данснаас 291,000 төгрөг, дараа нь 31,500 төгрөг нийт 322,500 төгрөг гарсан ...”

Шүүг шүүгдэгчид нэг жилийн зорчих эрхийг хязгаарлах ял оноожээ.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.