“... Бид хоёр танилцаад 10 дахь жилдээ хамт амьдарч байна. Өөрөө инженер мэргэжилтэй тул сайн ажил хийгээд  хөдөө их явдаг. Хөдөөнөөс  ирэхэд нь утсыг нь харсан чинь нэг хүний мессеж байхаар нь уншсан. Тэр эмэгтэйгээ таньдаг эгч гэсэн боловч өөртэй нь холбоотой хүн байсан. Тэгээд асуутал үгүй гээд байсан. Тэр эмэгтэй бид хоёрын амьдралд ордог. Ажлаа зүгээр хийж байхад нь мөнгө өгөөд авч явдаг. Хөдөө  байхад нь хүртэл утсаар холбогдоод, хотод ирэхэд нь уулзаж, буудалд ороод байсан. Энэ олон удаагийн асуудлаас болж бид хоёрын дунд хардалтын асуудал үүсч хэрүүл болдог.  Орцны жижүүр нэг эмэгтэй хүн дагуулж ирсэн гэхээр нь ороход нөгөө эгч гэх 70 гаран насны эмэгтэйтэй нүцгэн согтуу хэвтэж байсан. Тэрнийг хараад миний гэнэт даралт хөдлөөд юм хэлээгүй. Өнөөдөр тэрийг нь хэлтэл намайг “янхан, гичий” гэж хэл амаар доромжлоод байхаар нь хажууд байсан будаа агшаагчийн дотор төмөр савыг аваад рүү шидтэл баруун талын хөлийн доод хэсэгт оноод жаахан цус гарсан. Тэгсэн чинь уурлаж миний зүүн хөлийн шилбэ рүү нэг удаа өшиглөөд би босож чадаагүй. Азаар хажуу айлд түргэн ирээд би жижүүрээр хэлүүлж эмч орж ирээд үзэхэд хугарсан байна гэсэн. Тэр  эгч нь надад 300 мянган төгрөг өгсөнөөр эм тариа авсан ...”