“...Ж.Нямдорж надад танил эгчийнхээ орон сууцны өргөтгөлийн бүртгэлийг хийлгэхээр 2022 оны 8-р сарын 10-ны өдрөөс хойш гуйсан. Тэгэхэд нь би “эхлээд материалыг нь үзье” гэсэн. Материалыг нь үзээд “энэ баримт хангалтгүй юм байна шүү, нэмээд өөрт байгаа баримтаа гаргаж өгөөрэй, Нийслэлийн улсын бүртгэгч Б.Баясгаланд үзүүлчихээрэй” гэж хэлсэн. Тэгээд би бүртгэгч Б.Баясгалантай 2022 оны 8-р сарын 17-ны өдөр уулзаад “Нэг хүн бүртгэл гуйгаад байна, болох талаас нь туслаад өгөөрэй” гэж хэлсэн. Ж.Нямдорж надад 2022 оны 8-р сарын 10-ны өдрийн үед “ийм бүртгэл хийлгэмээр байна, шагнана шүү” гэж хэлж байсан. Түүнээс биш би эхэлж мөнгө төгрөг нэхэж шаардсан зүйл байхгүй, Нямдорж өөрөө л мөнгө төгрөг яриад байсан. Тэгээд 2022 оны 8-р сарын 18-ны өдөр намайг “ажлаас гараад ресторанд ороод ир” гэсэн юм. Тэгээд би ороход Нямдорж ганцаараа уг рестораны VIР өрөөнд хоёр пиво уугаад сууж байсан. Намайг “сууж байгаарай” гээд гараад орж ирэхдээ энгэрээсээ 10,000,000 төгрөг гаргаж ирээд 8,000,000 төгрөг буюу 4 боодол 20,000 төгрөгийн дэвсгэртийг надад өгөөд, өөртөө 2,000,000 төгрөг буюу 1 боодол 20.000 төгрөгийн дэвсгэрт авч энгэрийн халаасандаа хийгээд уутыг нь тэр ресторанд хаясан. Би уг 8,000,000 төгрөгийг хахуульд авсан гэдгээ хүлээн зөвшөөрч байна, уг мөнгийг төлж барагдуулна ...”