“... 2022-2023 оны хичээлийн жилд манай 5-р ангийн нийт 10 бүлгийг хариуцаж ажиллаж байсан сургалтын менежер Д.Ц нь сурагчдын монтаж болон төгсөлтийн арга хэмжээнд зарцуулах гэж байсан мөнгөнөөс өөрийн албан өрөөндөө буйдан авах зорилгоор анги тус бүрээс 150.000 төгрөг хураан авсан. Үүнийхээ дараа дээрх мөнгийг бага байна гээд голж дахин анги тус бүрээс мөнгө хураана гэсэн. Үүнийг багш нар хоорондоо ярилцаж байгаад анги тус бүрээс 50.000 төгрөг нэмж хураалгахаар болсон. Уг шийдвэрийг багш нар нааштай хүлээж аваагүй ч сургалтын менежерд  хэлэхээсээ бүгд айсан. Би дээрх 50.000 төгрөгийг өөрийн хувийн мөнгөнөөс өгсөн. Сурагчдын монтаж болон төгсөлтийн арга хэмжээнд зарцуулах мөнгө тухайн үед дуусчихсан, бүгдийг нь сурагчдад зарцуулсан тул  өөрөөсөө өгөхөөс өөр аргагүй болсон ...”

“...Би болсон бодит байдлыг ойлгож байгаа. Багш нарын эцэг эхчүүдээс мөнгө цуглуулсан мөнгөнөөс 2.000.000 төгрөгийг цуглуулж өгсөн дээр би маргахгүй. Гэхдээ би гэмт хэргийн шинжтэй гэж мэдэхгүй байна. Манай багш нар энэ мөнгийг хуралдаад өөрсдийнхөө монтажны мөнгөнөөс, өөрсдийнхөө санаачилгаар өгсөн байгаа.  Харин Д.Ц менежерийн санаачилгаар зохион байгуулж хурааж авсан мэтээр ярьж, би санаачилсан болж байгаад харамсаж байна. Манай багш нар цуглуулж өгсөн. Зун амарсан байсан. Намар ирээд өгөх гэсэн чинь АТГ-аас болоод явсан. Тэгээд бужигналдаад хойшлуулчихсан. Ингэж явсаар байгаад 12-р сар болсон. Тэр мөнгө нь над дээр байж л байсан. Би энэ үйлдлийг гэм буруутай гэж үзэж байгаа бол би хүлээн зөвшөөрч байна ...”