Согтуудаа хүн дайрч хөнөөгөөд дараа нь”мориноос унасан гэж хэл” хэмээн гэрчийг ятгажээ

48 настай эмэгтэй Ц.Амар ... нь Ц.А нь Өвөрхангай аймгийн Сант сумын 1 дүгээр багийн нутаг “Толгойн зээгийн овоо” гэх газарт 2023 оны 10-р сарын 31-ний өдөр согтуурсан үедээ, тээврийн хэрэгслийг жолоодох эрхгүйгээр “Ниссан Тийда” маркын “... УЕВ” улсын дугаартай тээврийн хэрэгслийг жолоодон хөдөлгөөн эхлүүлэхдээ хохирогч С.М, Л.А нарыг автомашинаар дайрч осол гарган С.М-ийн амь насыг хохироосон, хохирогч Л.А-ийн биед хүндэвтэр хохирол учруулсан, мөн өөрийн үйлдсэн гэмт хэргийг нуун далдлах зорилгоор Өвөрхангай аймгийн Сант сумын нутаг дэвсгэрт гэрч М.М-ийг “...талийгаач С.М-г мориноос ойчсон гээд хэлчихье, мориноос унасан гэж хэл...” гэж зориуд худал мэдүүлэг өгүүлэхээр ятгасан гэмт хэрэгт холбогджээ.

Ослоос амьд гарсан гэрч ийн мэдүүлжээ:.

“... Саахалт байдаг С.Л эхнэртэйгээ талийгаач малчин С.М, манай нөхөр болон Ц.А гээд саахалтын хүн бид нар цуглаад 2 ширхэг 0.75-тай архи уусан. Ц.А эгч машинаа унаж ирээд гэрийн зүүн урд хэсэгт байсан. Архиа ууж дуусаад би талийгаачтай гэрийн урд талд сууж байсан. Ц.А гэрээс гарч ирээд машиндаа суусан. Би өөдөөс нь хараад зүүн гараараа урдуураа заагаад ингээд яваарай гэсэн. Тэгсэн юу юугүй машин нь ассанаа шууд ирээд дайрчихсан. Нэг мэдсэн талийгаач бид хоёр машин доор дарагдсан байсан. Машиныг данхраадаж бид хоёрыг гаргасан ...”

Харин М.М нь шүүгдэгч Ц.Амар ...-ын ятгалтаар худал мэдүүлэг өгчээ.

“ ... 18-н цагийн үед хонгор морь сул эмээл нь холбироод зөв талдаа, эмээл нь бүтэн олом нь сулхан л байсан. Тэгээд хайгаад явтал “Зээг” гэх газарт нүүр нь доошоо хараад хэвтэж байсан. Ам хамар нь шороо болсон чих, ам, хамраас нь цус гарсан, ухаангүй бие нь бүлээн байсан ...”

Шүүгдэгч нь гэм хорын нөхөн төлбөрт талийгаачийн ар гэрт 75 сая төгрөг төлжээ. Шүүх түүнийг 2,3 жил хорих ялаар шийтгэж машин жолоодох эрхийг нь зургаан жилээр хассан байна. Харин худал мэдүүлэг өгсөн шүүгдэгчийг хоёр сая төгрөгөөр торгожээ.

Сэтгэгдэл

Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.