“...Би 2022 оны 06 дугаар сарын 15-ны өдөр 12 цагт өөрийн адууг хураагаад хашиж байхад адуу дутуу байсан. Михайловское тосгоны бэлчээрийн нутаг дэвсгэрээс хулгайлагдсан. …Надад 50 толгой адуу байгаа. Үүнээс 22 толгойг нь алдсан байгаа ...”

“... Бид хоёр 2022 оны 6-р сарын эхээр уулзаж адуу хулгайлахаар Оросын Холбооны Улс руу явахаар тохиролцсон.. Миний хувьд Томск адуунд их дуртай. Би өөрөө морь сонирхдог. Ийм учраас Томск адууг уналга, эдэлгээнд ашиглая л гэж бодсон. Томск адууны ханш Монголд ойролцоогоор 2.0 сая гаруй төгрөгийн үнэтэй байдаг. Бид хоёр хүнс хоол, эмээл, хазаараа бэлдээд хотоос гарч Эрдэнэт хотод очсон. Тэндээсээ автобусанд суун Хялганат сум руу хөдлөөд замд хээр буусан. Хээр буугаад эмээлээ үүрээд мод руу орсон. Мод руу ороод айлын адуунаас хоёр ширхэг морь барьж аваад эмээллэсэн. Адууны эзнийг нь би танина. Хулгайлсан морио унаад Зэлтэр гол дээр ирсэн. Голын эрэг дээр модонд хоноод үргэлжлүүлэн явсан. Бид хоёр улсын хил давж байгаагаа модоор нь багцаалдаж мэдсэн. Учир нь Монголын хил орчмын модыг огтлон унагаагаад хилийн зогоон болгосон байсан. Оросын хил рүү нэвтрээд цаашаа барагцаагаар 30 гаруй километр явсан. Өдрийн 12 цагийн үед модон дотор хэсэг бүлэг адуутай тааралдсан. Миний санаж байгаагаар 21 адуу байсан. Тэгээд тус адууг Монголын хил рүү туусан. Тус адуунуудын ихэнхи нь халтар зүсмийнх байсан. Тэгээд адууг Монголын хил рүү туугаад ирэхэд шөнө болж байсан. Монголд ирээд Хялганат сумын чиглэлд хоёр хоног туугаад  амарч байтал хилийн цэрэгт баригдсан ...”