Киргизын иргэн Багушов Сагунбэк(Bagyshov Sagynbek) нь Казакстаны хоёр иргэний хамт “Мөнгөн завьяа" дэлгүүрт гадаад улсын иргэдийн арилжааны банкны цахим картуудыг ХХБ-ны ... дугаартай пос терминал төхөөрөмжид олон удаагийн давтамжтай уншуулж, бусдын 87,406,000 төгрөгийг хүч хэрэглэхгүйгээр, нууцаар, хууль бусаар авч, алтан эдлэл худалдан авсан төлбөрт төлж, ХХБ-нд 87,406,000 төгрөгийн хохирол учруулсан, мөн иргэн Н. О-аас худалдан авсан гэх 87,406,000 төгрөгийн үнэ бүхий 343,34 грамм алтан эдлэлийг гэмт хэргийн улмаас олсон хөрөнгө гэдгийг мэдсээр байж, хууль бус эх үүсвэрийг нь нуун далдлах зорилгоор алт мөнгө худалдан авах чиглэлээр үйл ажиллагаа явуулдаг Ё.Г-д 65,730,000 төгрөгөөр тус тус худалдан борлуулж, шилжүүлсэн зэрэг ноцтой гэмт хэрэгт холбогдсон.
Мөн Багушов Сагунбэк(Bagyshov Sagynbek) цагдаагийн ахмадад албан үүргээ биелүүлэхтэй нь холбогдуулан гарыг нь хазаж хүч хэрэглэжээ.
“...Тухайн үед гадаад иргэдийн нэг болох туранхай, шар царайтай, өөрийгөө Бүгд Найрамдах Киргиз Улсын иргэн гэж тайлбарлаж байсан залуугаас мэдүүлэг авахаар орчуулагч, өмгөөлөгчийх нь хамт дуудсан. Хувийн байдлыг нь тодруулахаар гадаад паспортыг нь шалгах гэтэл үзүүлэхээс татгалзсан. Тухайн үед гар утсыг нь түр хураан авахаар ширээн дээр гаргаад тавьсан байсан. Би түүнээс Монголд ашигладаг сим карт байгаа эсэхийг орос хэлээр асуухад “үгүй” гэсэн. Ингээд ахмад түүний утаснуудыг ширээн дээрээс өөрөөс нь хол байлгахаар холдуулах үед тухайн иргэн өөрийнхөө утаснуудыг авах гэж булаацалдх явцдаа хуруун дээрээс хазсан. Киргиз Улсын иргэн бидний тавьсан хууль ёсны шаардлагыг биелүүлээгүй, мөн камераас далд ширээн доор салаавч гаргаж, гараа ёс бусаар болгож үзүүлж байсан. Мөн орос хэлээр “Блять, сука” зэрэг хараалын үг хэлсэн ...”
Шүүх Киргизийн иргэнийг 40 сая төгрөгөөр торгожээ.
Анхаар! Уншигчдын бичсэн сэтгэгдэлд http://alim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
