“... Найз Э “яагаад эмэгтэй хүнийг доромжлоод байгаа юм” гээд тэр залуутай маргалдсан. Тэгээд Э бид хоёр явахаар болж хувцсаа өмсөөд хаалганы хажууд зогсож байтал тэр залуу гэнэт Э-г түлхэж гаргаад хаалганы цоожнуудыг цоожилсон. Би араас нь гарах гэтэл миний хоолой руу түлхэж унагасан. Шалан дээр унахад толгой руу хоёр удаа гараараа цохиод унтлагын өрөө рүү чирч оруулаад орон дээр шидсэн. Тэгээд өмд тайлах гээд дайрсан. Би тайлуулахгүй тас зууртал миний нүд, зүүн чих рүү гараараа цохиж зүүн гарын шуу хэсгийг хазсан. Энэ үеэд Э гаднаас хаалга нүдсэн. Тэгэхэд нь би “туслаарай” гээд орилтол дэр аваад миний хамар ам дээр дарсан. Амьсгал боогдож манараад толгой эргэн бие суларч эсэргүүцэх чадалгүй болсон. Энэ үеэд тэр залуу миний өмд, дотоожийг тайлаад бас өөрийнхөө бүх хувцсыг тайлчихсан, чармай нүцгэн зогсож байсан. Тэрний эрхтэн босоогүй байсан. Тэгээд “минийх босохдоо муу, гэхдээ чи яаж ийгээд босго, би чамтай секс хийнэ” гэхээр нь би дунд хуруугаа гаргаад “давар” гэж хэлэхэд миний нүүр лүү нэг удаа гараараа цохисон...”

“ Ийш тийш хартал машины зогсоол дээр хүн зогсож байхаар нь  туслаарай гэж орилсон чинь нөгөө залуу миний дээрээс боссон. Би  бас босоод зогсоол дээр байсан эрэгтэй хүн рүү гүйж очоод тусламж гуйхад тэр хүн “та хоёр бие биеэ таних юм уу” гэж асуусан. Би “үгүй танихгүй” гэхэд намайг хүчиндэхийг завдсан залуу “энэ миний найз охин, худлаа маяглаж байгаа юм” гэхээр нь би эмийн сан руугаа гүйж очоод харуул хамгаалалт дуудах товчийг дарсан. 10-15 минутын дараа Бамбай харуул хамгаалалтынхан ирэхэд нөгөө залуу алга болсон. Юу болсон талаар яриад зогсож байхад зогсоол дээр байсан хүн жижиг хар өнгийн тээврийн хэрэгсэлтэй ирээд “нөгөө залуу чинь зогсоол дээр байна” гэхээр нь би Бамбайгийн хамгаалагч нарт зааж өгөөд бариулсан...”