“... Тухайн өдөр гэртээ ирэхэд Ц-ын “5...-5...”  дугаартай хар өнгийн “Ланд-200” автомашин гэрийн урд талын байрны тэнд зогсож байсан. 13-14 цагийн хооронд гэртээ байхад Рэ гэх эмэгтэй нь Ре, Рө гэх дүү нарынхаа хамтаар ирээд гэрийн зүүн талд намайг түлхэж сандал дээр суулгасан. Ширээн дээр байсан миний “Iphone 14 pro мах” загварын гар утсыг дүү Ре нь аваад халаасандаа хийсэн. Мөн Ре нь миний хоёр давхар монетон гинжийг тасалж түлхүүрийн хэлбэртэй кулонтой нарийн гинж, LV бичиглэлтэй гинжний хамт халаасандаа хийгээд бүгдээрээ бүлэглэж намайг алгадаж, үснээс зулгааж, цохиж зодсон. Тэгээд намайг чирээд гэрийн баруун урд хэсэгт байх орны урд аваачин гар хөлөөс барьцгааж байгаад өмсөж байсан бүх хувцсыг урж тасдаж намайг бүр шалдалсан. Миний гуян дээр гишгэн салтаа дэлгэж байгаад “одоо бичлэг хий Ц-д харуул” гэхэд Ре нь “Iphone” загварын гар утсаар бичлэг хийсэн. Би “болиоч ээ та нар адилхан эмэгтэй хүн байж ингэж болохгүй шүү дээ, ямар аймаар юм бэ”  гэхэд Рэ “наад мууг чинь  машины ард хийж авч яваад худалдааны төвд аваачиж буулгая, чирээд гарга” гэж дүү нартаа тушаасан. Тэгэхэд дүү нар нь  миний нүүр лүү нулимж доромжилж, гар хөлнөөс өргөхөд би орныхоо хучлагыг татаж биеэ орооход хуулж авах гэхэд нь зуурч үлдсэн. Тэд намайг хар өнгийн “Toyota prius 41”-ийн арын тээшинд хийгээд хөдөлж явсан. Зам зуур Рэ нь намайг алгадаж цохиод үснээс зулгаасан. Тэгээд 10-20 орчим минутын дараа С.Ц ирээд “та нар мах ачсан юм уу, энэ чинь хүн юм байгаа биз дээ” гээд тээшийг нээх гэхэд нээлгээгүй. Тэгэхэд Ц чулуу аваад “машины чинь цонхыг хага цохино шүү” гээд дайрахад л намайг гаргасан. Би “бусдын нөхөртэй дотно харьцаа үүсгэсэн нь миний буруу” гэж олон удаа хэлж уучлалт гуйсан боловч адилхан эмэгтэй хүн байж бүгдээрээ нийлэн дайрч гар утас авч, монетон гинжийг таслан халааслан, хувцас урж тасдан тайлж нүцгэлж, бэлэг эрхтэн рүү өшиглөж, гуян дээр гишгэж байгаад алцайлган бичлэг хийж, шүлсээ хаяж, мөн машины арын тээшинд хүчээр чихэж оруулан авч явсанд нь үнэхээр их гомдолтой байна...”

“... Манай нөхөр С.Ц нь С гэх эмэгтэйтэй дотно харилцаа үүсгэсэн гэдгийг мэдсэн. Тэгээд нөхрөөсөө асуухад тийм зүйл байхгүй гээд хүлээн зөвшөөрөөгүй. Гэр бүлээ авч үлдэхийн тулд С гэх эмэгтэйтэй уулзахаар шийдэж дүү Ө.Ре-ыг дуудаж “хүнтэй уулзах ажил байна хүрээд ирээч” гэж хэлсэн. Тэгээд удалгүй дүү Ө.Ре, Ө.Рө нар ирсэн. Бид С гэдэг эмэгтэйгийн гэрийг хашаандаа хүлэмжтэй гэдгээр нь баримжаалж олсон.  Гэрт ороход С байхаар нь би дүү нартаа “манай нөхөртэй явалдаад байгаа хүүхэн чинь энэ дээ” гэж хэлсэн. Тэгэхэд С “танай нөхөр чинь нохойн гөлөг шиг араас дагаад байдаг” гэхээр нь “би чи надтай ингэж ярих байсан юм уу” гээд баруун зүүн хацар луу нь алгадсан ...”