“... Тухайн орой 19 цагийн үед Баянзүрх дүүрэг 8-р хороо, Харуул-Алтай хотхоны 10... тоот байрны гадна талын зогсоолд машинаа байрлуулах гэхэд зогсоол дүүрэн байсан. Ингээд арга буюу нэг “Ланд-300” маркийн  машиныг хаагаад өөрийн машинаа тавьсан. Гар утасны дуу хаагдан байсныг мэдээгүй. Өглөө 07 цагт сэрэхэд сэрэхэд 88 ... дугаараас 06 цаг 41 минутаас хойш 28 удаа залгасан байсан. Намайг сэрэхэд мөн залгаж байсанд авахад эмэгтэй хүн “машинаа гаргая” гээд маш их уурласан. Яаран гараад очиход тухайн хүн байгаагүй. Тэгээд би утас луу нь залгаж  “уучлаарай утасны дуу хаагдсан байна,  таксины мөнгө шилжүүлье” гээд тухайн хүний өгсөн данс руу 20,000 төгрөг хийсэн. Тэр өдөр гэртээ өнжөөд орой гарч машинаа үзэхэд хойд гупер, урд гупер болон жолоочийн талын хаалга, баруун талын хаалганд гутлын мөр байсан, мөн машины урд гуперд зай гарсан байсан. Би нөгөө эмэгтэйг сэжиглэж залган “та миний машиныг өшиглөсөн байна, арчаад арилахгүй байна” гэхэд “би тэгсэн, завгүй байна, очихгүй, нэг муу Харриер л байсандаг” гээд утсаа тасалсан. Тэгээд би цагдаад хандсан ...”

“... Машин хааж тавиад тухайн өглөө миний төлөвлөсөн бүх ажлыг үгүй хийж нураасан тул маш их бухимдаад  өшиглөсөн ...”