Загвар өмсөгч Т.Ундармаа “Miss Intercontinental-World final 2006” тэмцээнд Монголоо төлөөлөн оролцож байсан. Т.Ундармаагийн аав нь “Вальсийн хаан” хэмээн алдаршсан хөгжмийн зохиолч Б.Түмэнжаргал агсан. Т.Ундармаа БНСУ-д ажиллаж амьдардаг ээжийгээ даган, өсвөр насаа Солонгост өнгөрүүлсэн. Сингапурт загварын чиглэлээр ажиллаж байсан Т.Ундармаа  ELITE MODEL агентлагт Ука гэж нэрлэгдэн харъяалагддаг. Хааяа Монгол ирэхээрээ нэг дуулиан дэгдээгээд явдаг Т.Ундармаа “Apocalypto” киноны од Rudy Youngblood-тай Монголд уулзжээ.

Америкийн жүжигчин, хөгжимчин, бүжигчин, зураач Руди Янгблад уугуул Америкийн индиан цустай гэдгээрээ онцгойрдог. Техастын Белтон хотод төрсөн Янгбладын өвөг дээдэс  нь Команче, Кри, Якуи омгийн цустай гэдэг. Янгблад, Холливудын од Мел Гибсоны 2006 онд найруулсан “Apocalypto” киноны гол дүр, Jaguar Paw-ын дүрд тоглон дэлхийд танигдсан. Руди Янгблад “Apocalypto” киноны омгийн ахлагчийн хүүгийн дүрд тоглохын тулд Майяа хэл сурсан гэнэ.