Хүний эрхийн үндэсний комиссийн дарга Ж.Бямбадоржийн "Зөв амьдрах ухаан" ТББ-ын тэргүүн Г.Загдааг утсаар “Би чамд нөхрийн хувьд хэлье. Зарим үед гөлөгнүүдтэй гөлөг шиг харьцаж байж ялдаг шүү дээ. Чи юу эс андах вэ. Би чиний асрамжид байгаа хүмүүсийг хэлж байна шүү” хэмээн зааварчилж байгаа ярианы бичлэг олон нийтэд дэлгэгдэж хүмүүсийн дургүйцлийг төрүүлсэн. Харин Үндэсний комиссийн дарга үүнийгээ "Би Загдаад арслан бар шиг байхаа боль, гөлөг шиг байж ажлаа хий гэж хэлсэн.Гөлөг бол номхон амьтан.Улсаас тэрбум төгрөг авч авч ажилладаг болохоор нь тэгсэн юм.Тэр торны цаана ямар аймшиг байдаг гэж бодно" хэмээн тайлбарлажээ. Өмнө нь ХЭҮК-ийн гишүүн П.Оюунчимэг гэх эмэгтэй “Би хэнийг ч шоронд хийлгэж чадна. Тэрэн шиг амархан зүйл байхгүй. Би ганц утасдаад л ийм юм боллоо. Энийг барь гэж хэлэхэд хангалттай” хэмээн бусдыг дарамталж буй ярианы бичлэгийг нэр хүндтэй сайт олон нийтэд анх дэлгэж байсан.
