Одоогийн МАН-ын бүлгийн бүх эмэгтэйчүүд нийлээд АН-ын ганцхан бүсгүй гишүүнд хүрэхгүй гэдэг нь үнэн аж. З.Нарантуяагаас бүлгийнхэн төдийгүй намын бүх  эмэгтэйчүүд хүртэл айж эмээж байгаа нь Завханд нэр дэвших зоригтон олдохгүйгээс харагдаж байна. Уг нь МАН-д АН-ын засаг даргатай цорын ганц аймагт сойх хэд хэдэн бүсгүйчүүд бий. Үүнд Сангийн дэд сайд асан Х.Булгантуяа, БСШУСЯ-ны ТНБД асан Б.Баярсайхан нарыг нэрлэж болно. Дэд сайдын аав нь Завханы Алдархаан сумых агаад нутаг усандаа нэр хүндтэйн дээр хамаатан садан олонтой, хүрээ нөлөөлөл ихтэй. Дээр нь олон нийтэд мэдлэг боловсролтой гэдгээрээ танигдаж З.Нарантуяагийн нэгэн адил хуульч, эдийн засагчийн мэргэжилтэй хос морьтой нэгэн.  Энэ бүхнийг тооцоод намын удирдлага нь дэд сайдыг Завханд нэр дэвших санал тавьсан ч татгалзжээ.  АН-ын гишүүнээс айсан гэхэд үнэнээс хол зөрөхгүй.  Ингээд өөрийн оронд “шүдэнз зурдаг”-гийн эгч Б.Баярсайханг түлхсэн байна.  Гэтэл тэрээр бас л хойшоо суужээ. Үнэндээ завханчуудын дунд  түүнийг БСШУЯ-ны ТНБД, улстөрч эмэгтэй гэдгээр нь таних хүн тун цөөхөн. Харин ч “бэнц” гэдгээр нь мэдэх  нь олон байх. Сайд нартайгаа таардаггүйгээрээ алдаршсан экс ТНБД-д дотоодод гишүүний суудал сонин биш харин гадаадад дипломатын алба илүү чухал. Ийнхүү боловсон хүчин сайтай, мэдлэг чадвартай эмэгтэйчүүд олонтой гэдгээрээ байнга гайхуулдаг МАН-д З.Нарантуяатай нэг тойрогт өрсөлдөх зоригтон олдохгүй зовж явна. Нэр дэвшүүлэхтэй холбоотойгоор нэгэн айхтар зовлон гарч ирсэн. Энэ нь олон удаа дараалан хуучин “архагууд”-аас нь сонгогчид нэгэнт залхсаны дээр шинээр дэвшүүлэх залуусыг нь огт таньж мэдэхгүй байна. Зөвхөн нэр дэвшүүлэхээс харахад л МАН Завханд дахин ялагдах нь тодорхой болжээ. Дээр нь саяхан явуулсан  горилогч бүрийн 50 сая төгрөгийн үнэтэй ”тандалт судалгаа” гэгчээр энэ аймагт “Шинэ нам”-ын Ш.Батсамбуу нэгээр гарч Ардын намыхныг улам бүр сандаргажээ.