УИХ-ын гишүүн, Хууль зүй, дотоод хэргийн сайд, Дорнод аймгийн Засаг дарга гэхчлэн тогтмол төрийн өндөр албан хашиж ирсэн Үндсэн хуулийн цэцийн дарга Д.Одбаяр олон улсын хуралд оролцохоор нисэхдээ онгоцны үйлчлэгч бүсгүйд бэлгийн дарамт үзүүлсэн хэргээр Солонгосын цагдаад дуудагдлаа. 52 настай ээжтжй, эхнэртэй, үр хүүхэдтэй хүний хувьд нэр хүндэд нь сэвтэй "Бэлгийн дарамт үзүүлсэн" гэдэг нь арай "зөөлөрч" нислэгийн аюулгүй байдлын эсрэг хэрэг болон "хувирчээ". Арван хоног Солонгосоос гарах эрхгүй гэж байсан ч Д.Одбаяр 10 сая воны торгууль төлөн эх орондоо ирэхээр болсон аж.10 сая вон нь 24 сая орчим төгрөг болно. Насаараа өндөр албан тушаал хашсанҮХЦ-ийн дарга Д.Одбаяр муугүй орлоготой.
2016 онд ҮХЦ-ийн дарга Д.Одбаяр орлого нь 15 сая төгрөг байсан бол 2017, 2018 онд 47.9 сая болжээ. Гэр бүлийн орлого ч мөн 19 саяас 40 сая хүрчээ. Д.Одбаярынх Toy­ota Rav­4 болон Prius­ээ гурван жил унасан, нийт дүнгээ 50 сая гэж мэдүүлсэн байх юм. Д.Одбаяр “Ремикон” ХК-­ийн 63 хувийг эзэмшдэг аж. 2008 онд IPO хийж, 5.4 тэрбум төгрөг татан төвлөрүүлж байсан барилгын бетон зуурмаг нийлүүлдэг тус компани одоо жилийн орлого нь 5.3 тэрбум, цэвэр ашиг нь 461.8 сая, нийт хөрөнгө нь 20.4 тэрбум төгрөгт хүрчээ. Энэ компанийн дийлэнхи хувийг эзэмшдэг ҮХЦ-ийн дарга Д.Одбаяр торгууль болох 24 сая төгрөгийг торохгүй гаргана биз. Харин эх орондоо ирээд ээжийнхээ, эхнэрийнхээ үр хүүхдийнхээ, ард иргэдийн нүүрийг яаж харна аа. Үндсэн хуулийн цэцийн дээр хөх тэнгэр бий гэлцдэг. Гэтэл Цэцийн дарга Д.Опбаяр болчимгүй хэрэгт нэр холбогдлоо. Нэр хугарахаар яс хугар гэдэгсэн.