Өнөөдрөөс сар шинийн амралт дуусч зөвшөөрөгдсөн байгууллагын ажилчид ажилдаа явж байна. Гэтэл уулзвар болгон дээр цагдаагийн албан хаагчид бичиг баримт шалгаж, нэг нэгнийхээ шалгалтыг үгүйсгэж байгаад иргэд бухимдалтай байна. Хоёрдугаар сарын 23 хүртэл тогтоосон хөл хорионд нийслэлийн 42 мянган иргэнээс нэг хаалга-нэг шинжилгээг авна гэсэн. Энэ ажил үргэлжилж буй. Гэтэл зөвшөөрөгдсөн байгууллагын албан хаагчдаас ПСР шинжилгээний хариу нэхэж иргэдийг 2-3 цаг зам дээр түгжрүүлж байна. Цагдаагийн албан хаагчид ПСР шинжилгээний хариугүй иргэдийг шинжилгээний цэг рүү буцааж байгаа аж. PCR шинжилгээ өгөхөөр очиход 3-4цагийн очер хүлээнэ. Бөөгнөрсөн хүмүүс. Иргэд сэтгэл зүй, ажил орлого, цаг зав бүх юмаараа "тоглуулж" байна